قصيدة قصر برقع
برقع اعرفك همَتك همَت ارجال
مشرف على ارض الوعر والحمادي
قيضٍٍ طواك وهامتك دوم تختال
شامخ شموخٍٍ لايقٍٍ بالبوادي
مثل البدو صابر على لطة الجال
ما همهم بقعا عيال النوادي
اجسامهم لو شفتها ياالخوي نحال
في جوفهم روضٍٍ تعدى الرمادي
منهم قليل مدور الربح ع المال
طيبٍٍ عليهم شايعٍٍ بالعبادي
ببيوتهم عن حرة الشمس مقيال
ريفٍٍ على ضيفٍٍ له الطيب جادي
متوسدين العز والسيف قتال
يوم اللقى فعل النشاما وكادي
ايدٍٍ عليهم يالخوي تسكب دلال
ويدٍٍ على وضح النقى لكل عادي
واليوم شفتك يالخوي عايف الحال
اشرفت راسك والضمافي فوادي
جيتك وصدري كنه محمل جبال
الحر ضايق منوته بالهدادي
ضلمه تحت ضلعي ولا طلت هلال
وانا الهلال اللي ع اللة اعتمادي
وردت عليك الوضح يا نبع منهال
من شاعرٍ يدري البداوة سوادي
معرب الجدين من عمٍٍ وخال
لا قال قوله بالمجالس سنادي
جيتك ادور تحت قصرك لي اضلال
عن شمس حر القيض برض السوادي
راجل قطعته مع حلاحيل وبطال
ولوادي السرحان راكب جوادي
بارض البداوه يالخوي قاطع اميال
ماشفت مثلك صابر ولا ينادي
ما غير ربك يالخوي يفرج الحال
يرسل عليك الغيث من كل وادي
باكر يجيك الخير من كل همال
وتنادي البدوان عقب الحدادي
.jpg)
0 التعليقات:
إرسال تعليق